Spoedbrekers op Verbypad - GRN dink agteruit sê IPC

Die IPC sê die hoë aantal voetgangersterftes tussen die Onafhanklikheidsrylaan-wisselaar naby Katutura-hospitaal en Lafrenz, sowel as op die A1 naby Prosperita, is heeltemal onaanvaarbaar. Maar, die party sê die vervoerministerie en die Paaie-owerheid behandel egter 'n nasionale snelweg soos 'n voorstedelike residensiële straat. Die plasing van massiewe, swak beplande spoedhobbels op 'n internasionale transito-korridor skep nie bestuurderswaaksaamheid nie, dit skep massiewe verkeersopeenhopings, ernstige botsingsrisiko's en veroorsaak strukturele skade aan die voertuie. Die IPC se skadu-vervoerminister Nelson Kalangula sê die regering dink agteruit.