NQA stuur veldtog bekend oor sy beleid

Die Namibiese Kwalifikasie-owerheid het 'n landwye bewusmakingsveldtog van stapel gestuur om die nuut goedgekeurde Nasionale Beleid oor Kwalifikasiestandaarde bekend te stel. Die veldtog, wat tot 26 Junie duur, is daarop gemik om die publiek in te lig oor die beleid wat ontwerp is om die gehalte, relevansie en geloofwaardigheid van kwalifikasies in die land te versterk. Die owerheid se woordvoerder, Simon Nghipandulwa, sê die beleid verseker dat kwalifikasies aan nasionale standaarde en die behoeftes van leerders, werkgewers en die bedryf voldoen.