Oud-kinderadvokaat reageer op 9 tienerseuns gearrester vir verkragting

Oud-kinderadvokaat en hoof by die Kantoor van die Ombudsman Ingrid Husselmann waarsku dat die beweerde groepsverkragting van 'n vrou in Okahandja deur nege tienerseuns dui op beide 'n geslagsgebaseerde geweldskrisis en 'n mislukking in kinderbeskerming. Sy het aan Kosmos 94.1 Nuus gesê dat hoewel die oorlewende se welsyn voorop moet bly, die inhegtenisneming van nege verdagtes, almal tieners, dringende vrae laat ontstaan oor ouerlike toesig en die maatskaplike toestande wat tot sulke uiterste geweld kan bydra.