Brandstof: Minister se riglyne is verhewe bo Staatskoerant
Loading player...
Die Namibiese Mededingingskommissie sê sy vyfjaarverbod op Nasan Energies om brandstof van Vitol te verkry is steeds onder appèl, ten spyte van 'n regeringsopdrag wat Vitol as 'n belangrike brandstofverskaffer aan die plaaslike mark benoem. Die kommissie se woordvoerder, Dina //Gowases, sê die samesmeltingsvoorwaardes vir Nasan se verkryging van 52 Shell- en Engen-vulstasies is apart van die beleidsopdrag wat deur die lynministerie uitgereik is. Onder die kommissie se voorwaardes word Nasan verbied om petroleumprodukte direk of indirek van Vitol te koop. Dit is ook in die Staatskoerant gepubliseer. //Gowases het met Kosmos 94.1 Nuus gepraat:
