Droogte steeds 'n stewige greep op Noord-Kaapse boere

Boere in 'n groot gedeelte van die droogtegeteisterde Noord-Kaap maak steeds staat op finansiering om veevoer te bekom vir hul kuddes, omdat daar geen natuurlike weiding beskikbaar is nie. Dit is die situasie nadat die droogte steeds nie sy stewige greep verslap het in die grootste deel van die provinsie nie. Willem Symington, adjunkpresident van Agri Noord-Kaap en hoof van Agri SA se rampbestuursentrum sê , die droogte is steeds nie gebreek in dié provinsie nie, al het dit in sekere gebiede gereën. Hy sê daar is groot dankbaarheid oor dié reën van die afgelype tyd, maar dit het steeds geïsoleerd voorgekom. OFM-nuus se Christal-Lize Muller het met hom gepraat...