Agri-Uur 14 Oktober Kempen Nel
Loading player...
Koffiefontein boere en polisie vinnig op hul pos #plaasaanvalle
Boere asook die polisie in die Koffiefontein-distrik in die Vrystaat het vinnig opgetree en 'n soektog van stapel gestuur, nadat 'n boer buite sy plaashuis aangeval is. Andries Myburgh het Maandag middagete in sy huis op die plaas Vandermerwesdam geëet toe hy rook geruik het. Hy het ondersoek gaan instel waarna hy volgens polisiewoordvoerder, Motantsi Makhele, met 'n voorwerp oor die kop geslaan is. Myburgh kon daarin slaag om sy aanvaller weg te druk, waarna nog 'n booswig hom met 'n mes aangeval het. Daar is petrol oor hom uigegooi en dit is aan die brand gesteek. Myburgh kon skote op die twee aanvallers afvuur, waarna hulle te voet op die vlug geslaan het. Myburgh het besef hy is aan die brand en het na sy swembad gehardloop en ingespring om die vlamme te blus. Hy het sy bure en die polisie se hulp ontbied. Kempen Nel, veiligheidsverteenwoordiger van Vrystaat Landbou (VL) se streek 18 in dié distrik, sê daar was vinnige raksie van beide die polisie en boere. Die polisie se honde-eenheid was ook teenwoordig en 'n helikopter is beskikbaar gestel. OFM-nuus se Christal-Lize Muller het met Nel gepraat...
Boere asook die polisie in die Koffiefontein-distrik in die Vrystaat het vinnig opgetree en 'n soektog van stapel gestuur, nadat 'n boer buite sy plaashuis aangeval is. Andries Myburgh het Maandag middagete in sy huis op die plaas Vandermerwesdam geëet toe hy rook geruik het. Hy het ondersoek gaan instel waarna hy volgens polisiewoordvoerder, Motantsi Makhele, met 'n voorwerp oor die kop geslaan is. Myburgh kon daarin slaag om sy aanvaller weg te druk, waarna nog 'n booswig hom met 'n mes aangeval het. Daar is petrol oor hom uigegooi en dit is aan die brand gesteek. Myburgh kon skote op die twee aanvallers afvuur, waarna hulle te voet op die vlug geslaan het. Myburgh het besef hy is aan die brand en het na sy swembad gehardloop en ingespring om die vlamme te blus. Hy het sy bure en die polisie se hulp ontbied. Kempen Nel, veiligheidsverteenwoordiger van Vrystaat Landbou (VL) se streek 18 in dié distrik, sê daar was vinnige raksie van beide die polisie en boere. Die polisie se honde-eenheid was ook teenwoordig en 'n helikopter is beskikbaar gestel. OFM-nuus se Christal-Lize Muller het met Nel gepraat...
