Boekkeuse

FINE MUSIC RADIO  |  Podcast , ±58 min episodes every 4 weeks, 1 day  |  Broadcast schedule  | 
Elke maand gesels Amanda met 'n skrywer of twee oor hul nuutste publikasie. Dit word gekombineer met korter boekresensies en pragtige Afrikaanse treffers - sommige met 'n tikkie nostalgie wat ver terugreis na die verlede. Hierdie program is 'n moet vir elke boekwurm of liefhebber van Afrikaanse letterkunde.

Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
17
JAN

Boekkeuse - 17 Jan 22

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons verwelkom as ateljeegas, Marieta Nel, samesteller van vier bundels waarin die beste bydraes in die genre kortverhale, poësie en drama, byeengebring is as ideale voorgeskrewe materiaal vir die klaskamer.
Ons fokus is op romans van Irma Venter, Isa Konrad en Amos van der Westhuizen, ‘n unieke voëlboek, P.G. du Plessis se keur uit sy gewilde Koöperasiestories en ons gereelde kinderboekbydrae.
Meermale is daarop gewys dat die Afrikaanse kind besonder bevoorreg is met die gehalte en keuse van boeke wat jaar na jaar aangebied word. Ons uitgewers lewer ‘n besondere bydrae om die boeke keurig aan te bied met titels en inhoud wat met die kind van vandag resoneer. Ons is ook geseënd met talentvolle skrywers en verbeeldingryke knap illustreerders op eie bodem.
So met die begin van die jaar kan ons aan elke kinderboek uitgewers ‘n pluimpie gee vir kwaliteitsboeke wat aan Afrikaanse kinder- en jeuglesers aangebied word. By Boekkeuse het ons die samewerking gehad van Protea Boekhuis, Human & Rousseau, Tafelberg, Naledi, Lapa en Pan Macmillan.
03
JAN

Boekkeuse - 03 Jan 22

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Graag wens ons ons luisteraars, skrywers en uitgewers ‘n voorspoedige 2023!
Verlede maand het ons so ‘n oorweldigende positiewe reaksie gehad op die manjefieke voorlesing van Antjie Krog uit haar gedigte in haar jongste bundel, Plunder, (ook in Engels beskikbaar as Pillage). Met die digter se verlof herhaal ons haar voorlesing. Sy lees ook uit haar en Ingrid de Kok se kinderboek, Vetfeeplantjies voor.
Aan die beurt kom ook Joan Hambidge se bespreking van Piet van Rooyen se roman, Antraks; ‘n huldeblyk aan die ontslape digter en skrywer, Henk Rall; ons gereelde kinderboekbydrae; die bespreking van drie besondere romans: Vlam deur Sidney Gilroy, Die geheim van Musolini se kaart deur Constant van der Merwe en Die wet van Gauteng deur Hannes Barnard.
20
DEC
2022

Boekkeuse - 20 Dec 22

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons het die voorreg om die digter Antjie Krog as ateljeegas te verwelkom. Krog het ‘n kroonjaar beleef, die viering van haar 70ste verjaarsdag, buitelandse erkenning en die publikasie van haar jongste bundel, Plunder (ook in Engels beskikbaar as Pillage) en haar kinderboek, Vetfeeplantjies.
Aan die beurt kom ook Jan-Jan Joubert se bespreking van Chris Karsten se roman, Op pad na Moormansgat, Joan Hambidge se bespreking van Rina Cascione se vertaling van Alda Merini se gedigte, Kliniek van verlatenheid, uit Italiaans en my oorsig oor besondere godsdienstige boeke wat verjaar verskyn het.
Die jongste bundel van Antjie Krog verskyn agt jaar ná Mede-wete, waarmee sy met die Hertzog-prys vir poësie bekroon is. Sy het ook in 1990 die Hertzog-prys ontvang vir haar bundel, Lady Ann. In Plunder ontwikkel Krog vorige temas soos die landskap van die vrou, die huwelik, die aftakeling van die lyf, die vreugde van klein gesinsoomblikke en terselfdertyd vernuwe sy opnuut.
Daar is ‘n onrusbarende kwesbaarheid, ‘n brandende woede én ‘n hartverskeurende deernis met die ouerwordende self. In Plunder voer Krog die leser mee in ‘n jubelsang en ook ‘n klaaglied van die land wat geplunder word, maar ook die self wat plunder. Sy probeer sin maak van die land, van die self, van die verlede.
Ek het haar genooi om ‘n aantal gedigte, verteenwoordigend van die spektrum van temas, met net haar kortlikse opmerkings, voor te lees.
22
NOV
2022

Boekkeuse - 22 Nov 22

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
In die ateljee verwelkom ons vandag vir Julian Jansen wat meer lig werp op sy opspraakwekkende boek, Moord op Stellenbosch, en Tinus le Roux wat gesels oor Anglo-Boereoorlog in kleur – die ou vaal foto’s wat hy ingekleur het om soveel meer te wys as waarvan ons geweet het.
Antjie Krog se jongste bundel, Plunder, word deur Joan Hambidge bespreek, twee debuutromans, Engela Ovies se Draairiver en Marinda Fritzpatrick se Mara kom aan die bod, en ook ons Jeugboek-bespreking.
07
NOV
2022

Boekkeuse - 07 Nov 2022

Ons ateljeegaste is Leon en Amanda de Stadler wat gesels oor hulle opdatering van Spreekwoorde en ander gesegdes.
Sophia Kapp gesels oor haar blitsverkoper, Heimwee. Ander bydraes is Die geheime lewe van Gita deur Jacolet van den Berg, Dwaalrivier van Engela Ovies, Ronalda Kamfer se Kompoun en Francois Smith se Die getuienis. Nicol Stassen se bekroonde Van Humpata tot Upingtonia; C Johan Bakkes se reisverslag, Moer toe in die verte, sowel as vanjaar se AVBOB Bloemlesing.
11
OCT
2022

Boekkeuse - 11 Oct 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons het vandag die voorreg om twee ateljee-gaste te verwelkom. Aan die woord is Elise Bishop wat met Riette Rust gesels oor haar outobiografie, Twee lewens, en An-Mari do Carmo wat uitwei oor haar memoir, Toe als groen was. Twee romans,Tenk deur Pieter Stoffberg en Fanie Olivier se vertaling van Jeff Gearats se Mister Altheimer.
Ons fokus ook op die herdenking van Sheila Cussons se 100ste geboortedag. Joanita Erasmus-Alt van Bloemfontein het gedigte van Cussons getoonset en haar kamermusiekorkes en koor het dit uitgevoer op 9 Augustus. Dit word nou deur die Suid-Afrikaanse Akademie vir Wetenskap en Kuns aangebied as ‘n konsert wat virtueel beskikbaar sal wees. ‘n CD-opname is ook gemaak wat by vandeesweek se Woordfees in Stellenbosch beskikbaar sal wees.
21
SEP
2022

Boekkeuse - 21 SEPT 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons het vandag die voorreg om vier ateljee-gaste te verwelkom. Aan die woord is Erla-Mari Diedercks wat met Riette Rust gesels oor haar jongste roman, Die bewonderaar, Helena Gunter wat aan die woord is oor haar kortverhale, Die hart het sy rede; Joan Hambidge wat oor haar digbundel, Sanctum, praat en ook Jan Braai wat oor sy jongste boek, Die Demokratiese Republiek van Braai 2 gesels.
17
AUG
2022

Boekkeuse - 17 Aug 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons het vandag drie manne as ateljee-gaste. Aan die woord is Rudie van Rensburg wat met Riette Rust gesels oor sy jongste roman, Monsters, Quintus van der Merwe wat aan die woord is oor sy roman, Om te lewe en om te sterwe en Emile Joubert wat oor sy jeug memoire, Krummels in my koffer gesels. Ons bespreek ook Adele Vorster se Tien-voor-Een; Quintus van der Merwe se Om te lewe en om te sterwe, asook ‘n kleuterboekbydrae en ‘n voorsmakie van Joan Hambidge se jongste bundel, Sanctus.
20
JUL
2022

Boekkeuse - 20 July 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons fokus vandag op Herman Lategan se treffer memoire, Hoerkind, memoires van ‘n randeier, en twee debute – Celeste Fritz se digbundel, Verdeelde stand, en Carien Smith se prosadebuut, Bot. Marie Spruyt se roman, Droomboom, die memoires van Ben Viljoen, Die vloek van Levitikus en Emile Joubert se Krummels in my koffer. Plus nog Haas Das se ma, Louise Smit, se nuwe skepping, Felina Kat: geheime agent.
15
JUN
2022

Boekkeuse - 15 June 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons fokus vandag is op die drie digters, Johan Myburg, Philip de Vos en Franco Colin, wat onlangs verskyn het.
Ons verwelkom ook drie ateljeegaste, Ronalda Kamfer, Nathan Trantaal en Zarine Roodt.
Zarine Roodt van Bloemfontein het ‘n besondere memoire, ‘n Dagreis ver, oor haar ervaring van die Camino en veral die binnereis wat daarna gevolg het, by Naledi gepubliseer
18
MAY
2022

Boekkeuse - 18 May 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons fokus vandag is op die drie skrywers, S J Naudé, Frederick de Jager en Aswin Arendse, wat onlangs dubbeld bekroon is deur die Universiteit Johannesburg en die Suid-Afrikaanse Akademie vir Wetenskap en Kuns.
Ons verwelkom ook drie ateljeegaste, Ilse Verster, Jaco Wolmarans en Audrey Jantjies.
20
APR
2022

Boekkeuse - 20 Apr 2022

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons fokus vandag is op die vier romans – Zeus van Wyngaardt en die godin van die jag deur Julio Agrella; Kaap deur Hans Pienaar; Moer deur Michelle Meyer en Stillewe deur Marie Spruyt. Ook het ons die voorreg om twee ateljee gaste, die skrywer Francois Bloemhof en die kinder-en jeugboekkenner, dr. Mia Oosthuizen, te verwelkom. Joan Hambidge bied ‘n eerbetoon aan die ontslape Johan van Wyk. Ons gaskunstenaar is die pianis Wessel van Wyk.

24 episodes

« Back 1—12 More »